Իրանի նախկին նախագահ Հասան Ռոհանին մտադիր է մասնակցել խորհրդարանական ընտրություններին, որոնք կանցկացվեն 2024 թվականին, գրում է Tasnim-ը՝ հղում անելով իր աղբյուրներին: Գործակալության տեղեկություններով՝ պետության նախկին ղեկավարը որոշել է վերադառնալ ակտիվ քաղաքականության ոլորտ եւ ռեֆորմիստներին կտանի ընտրությունների:
Ռոհանիի վերադարձի առաջին քայլերից մեկը կլինի նրա հուշագրությունների հրապարակումը: Քաղաքական գործիչը նաեւ պատրաստվում է մի շարք պլանային հանդիպումներ անցկացնել, որպեսզի պատասխանի հարցերին, հատկապես արտաքին քաղաքականության ուղու վերաբերյալ:
Միեւնույն ժամանակ, գործակալության աղբյուրները պնդում են, որ Ռոհանիի թիմը պատրաստվում է ծրագիր պատրաստել քաղաքական գործչի համար՝ հաշվի առնելով ընտրական դաշինքների ցուցակը, որտեղ նա կարող է աջակցության հույս ունենալ: Tasnim-ն ընդգծում է, որ Ռոհանին, որի կառավարման ժամանակաշրջանում կնքվել է միջուկային գործարքի բնօրինակը, իր նախագահության վերջին տարիներին դարձել է տնտեսական բացասական իրավիճակի ֆոնին ոչ պոպուլյար առաջնորդներից մեկը: