«Հայաստանը թեկուզ գերտերություն չէ, սակայն կարող է շատ բան սովորեցնել Ամերիկային, երբ խոսքը կրթության մասին է»,-ասվում է «The Philadelphia Inquirer» թերթում հրապարակված հոդվածում:
Թերթը նշում է, որ Հայաստանի դպորցնեում շախմատը դարձել է պարտադիր առարկա: Հոդվածի հեղինակն այդ քայլը գերազանց գամբիտ է համարում «մի երկրի համար, որը գերտերության կոչման է հասնում շախմատի աշխարհում»:
Պարբերականը նշում է, որ աշխարհահռչակ գորսմայստեր Գարի Կասպարովը Վրաստանում աշխատում է նման նախաձեռնության վրա եւ շարունակում է նախագիծը լոբբինգ անել ամերիկացի օրենսդիրների շրջանում:
Թերթին տված հարցազրույցում Կասպարովը հայտարարել է, որ շախմատը կարող է արմատապես փոխել եւ բարելավել սովորողների առաջադիմությունն ամեն բնագավառում:
Սակայն ֆիզիկայի պրոֆեսոր, 1969-1972 թթ. ԱՄՆ շախմատի ֆեդերացիայի նախագահ Լերոյ Դուբեկը կարծում է, որ Կասպարովի երազանքը` ամերիկյան դպրոցական ծրագրում շախմատի դասավանդման վերաբերյալ, կբախվի տնտեսական դաժան իրողության հետ, քանի որ շատ դպրոցներում նույնիսկ փորձում են ձերբազատվել սպորտի եւ արվեստի ծրագրերից:
Ինքը` պրոֆեսորը, տասնամյակներ շարունակ զբաղվել է ամերիկյան դպրոցներում շախմատի պրոպագանդայով, սակայն ապարդյուն:
