Վրաստանի կառավարող «Վրացական երազանք» կուսակցությունը մտադիր է սահմանադրական փոփոխություններ նախաձեռնել ընտանեկան արժեքների վերաբերյալ։ Այս մասին մամուլի ասուլիսում տեղեկացրել է խորհրդարանական մեծամասնության առաջնորդ Մամուկա Մդինարաձեն, գրել է «Грузия Online»-ը։
Նրա խոսքով՝ կուսակցության պարտականությունն է ցանկացած մարդու սահմանադրական իրավունքների եւ ազատությունների պաշտպանությունը՝ ոչ ավանդական կամ այլ կենսակերպի էլ որ նա պատկանելիս լինի։
«Իսկ մյուս կողմից՝ մենք պետք է շատ սկզբունքայնորեն պաշտպանենք ընտանեկան արժեքները եւ մեր ապագա սերունդներին կեղծ լիբերալ քարոզչության անիրավաչափ հետեւանքներից»,- ասել է Մդինարաձեն։
Նա ավելացրել է, որ այդ պատճառով կուսակցությունը նախաձեռնելու է սահմանադրական փոփոխություններ, որոնցում հստակ կամրագրվեն ընտանեկան արժեքների երաշխիքները եւ անչափահասների պաշտպանությունը։
Դրանից հետո «Վրացական երազանքը» կնախաձեռնի համապատասխան եւ ավելի կոնկրետ փոփոխություններ օրենքում։