ՈւրբաթՕգոստոս 22
  • USD 407.79
  • EUR 540.89
  • RUB 11.23

Սթիվ Վոզնյակը Երեւանում. նա վախեցրել է հյուրանոցի անձնակազմին եւ շրջել սեգվեյով

17:30, 11.11.2011 Տարածաշրջան: Աշխարհում, Հայաստան Թեմա: Ինովացիա



Apple կորպորացիայի համահիմնադիր Սթիվ Վոզնյակը, ով երկու օրով ժամանել է Հայաստան, արդեն հասցրել է աչքի ընկնել իր նուրբ հումորով, անկաշկանդ բնավորությամբ, իսկ մի դեպքում էլ նույնիսկ լավ վախեցրել է «Արմենիա-Մարիոթ» հյուրանոցի անձնակազմին:

iWoz մականունով հայտնի գյուտարարն ու միլիարդատերը երեկ բավական երկար ժամանակ ինքնագլորիչ է քշել Երեւանի Հանրապետության հրապարակում` զարմացնելով անցորդներին, որոնք նախ ապշում, ապա ձեռքով ողջունում էին մեծանուն հյուրին:

Վոզնյակը ՏՏ ոլորտի ներկայացուցիչների հետ հանդիպմանը պատմել է, թե կատակել է «Արմենիա-Մարիոթ» հյուրանոցի անձնակազմի հետ եւ մի լավ վախեցրել նրանց: «Ես հատուկ սարք եմ մշակել եւ տեղադրել ճամպրուկների մեջ: Դա պարզ եւ հարմար մի սարք է, որ ծվծվում է, երբ սեղմում եմ կոճակը: Այդպես ես գտնում եմ իմ ճամպրուկները: Երեկ երեկոյան ես որոշեցի կատակել եւ միացրի այն հյուրանոցում: Հավանաբար բոլորին թվաց, թե իմ մոտ ռումբ կա»,- պատմել է Սթիվ Վոզնյակը:

Իսկ արդեն այսօր Երեւանի պետական ճարտարագիտական համալսարանում ուսանողների եւ գիտնականների հետ հանդիպմանը Վոզնյակը խոստացել է կրկին վերադառնալ Հայաստան, քանի որ «այցից հետո նա ընդմիշտ մասամբ հայ կմնա»:

Նշենք, որ Սթիվ Վոզնյակը եւ նրա կինը՝ Ջանեթ Վոզնյակը ժամանել են Հայաստան նոյեմբերի 10-ին: Վոզնյակը Երեւանում ստանալու է Հայաստանի նախագահի սահմանած «ՏՏ ոլորտում համաշխարհային հեղինակություն» մրցանակը:

Լուրեր Հայաստանից - NEWS.am

Այս թեմայով

«Ռոստելեկոմի» ծառայությունները հասանելի են Կենտրոն վարչական շրջանում

Հայաստանյան ծածկույթն ընդգրկում է Երեւանն ու եւս տասնվեց քաղաքներ...

ՎիվաՍել-ՄՏՍ-ն աջակցում է երիտասարդական «Վիքի» ճամբարին

Ռալֆ Յիրիկյանը հանդիպել է երիտասարդական «Վիքի» ճամբարի մասնակիցների հետ...

ԱՄԷ-ն տիեզերական ազգային գործակալություն է ստեղծում

Էմիրությունները մուտք են գործում միջմոլորակային տարածության հետազոտության դարաշրջան...

Beeline ծառայություն «Զրուցենք» - անսահմանփակ շփում ցանցի ներսում 990 դրամով

Մյուս բոլոր ծառայությունների տարիֆիկացումը կատարվում է բաժանորդի սակագնային փաթեթի պայմանների համաձայն...

Ռուս գիտնականները մոտ են տելեպորտացիայի ստեղծմանը

Քվանտային-խճճված մասնիկ են անվանում քվանտային օբյեկտները, որոնք կարելի է նկարագրել մեկ ընդհանուր քվանտային վիճակի...

Մեծ Բրիտանիան ազգային տիեզերակայան կկառուցի

Բրիտանական տիեզերական արդյունաբերության տարեկան ծավալը կազմում է…