Փարիզում, ծանրամարտի աշխարհի առաջնությունում կանանց եւ տղամարդկանց Հայաստանի հավաքականները երկամարտում ոչ մի մեդալ չնվաճեցին:
Կանանց +75 կգ քաշային կարգում Հռիփսիմե Խուրշուդյանը արմունկի վնասվածք ստացավ եւ դուրս մնաց պայքարից:
Տղամարդկանց +105 կգ քաշային կարգում Ռուբեն Ալեքսանյանը հրում վարժությունում չկարողացավ բարձրացնել պատվիրած 240 կգ-ն եւ զրո ստացավ:
Կանանց Հայաստանի հավաքականն այս պահին ունի օլիմպիական խաղերի 2 ուղեգիր, տղամարդկանց հավաքականը` նախնական 4 ուղեգիր: Ուղեգրերի վերջնական քանակի վրա կազդեն նաեւ ապրիլին Թուրքիայում կայանալիք Եվրոպայի առաջնության արդյունքները: