Կոնգոյի Դեմոկրատական Հանրապետության հարավարևմուտքում հորդառատ անձրևի հետևանքով առնվազն 12 մարդ է զոհվել, ավելի քան 50-ը համարվում են անհետ կորած, կիրակի օրը հայտնել է տեղի պաշտոնյան և քաղաքացիական հասարակության առաջնորդը:
Սողանքը տեղի է ունեցել շաբաթ օրը կեսօրին մոտ Կվիլու նահանգի Դիբայա-Լուբվե կոմունայում, հայտնում է Reuters-ը։
Նահանգապետի պաշտոնակատար Ֆելիսյեն Քվիվին ասել է, որ մինչ այժմ փլատակների տակից դուրս է բերվել 12 դի, այդ թվում՝ ինը կին, երեք տղամարդ և մեկ երեխա:
Քաղաքային վատ պլանավորումը և թույլ ենթակառուցվածքները Կոնգոյում ավելի խոցելի են դարձնում համայնքները ծայրահեղ անձրևների դեպքում, որոնք Աֆրիկայում դառնում են ավելի ինտենսիվ և հաճախակի, քանի որ ջերմաստիճանը բարձրանում է, ասում են կլիմայի փորձագետները: