Վրաստանի նախագահ Սալոմե Զուրաբիշվիլին արձագանքել է վարչապետ Իրակլի Կոբախիձեի հայտարարությանը, որը ԱՄՆ-ի, Եվրամիության և ԵՄ անդամ երկրների դեսպաններին հրավիրել էր «օտարերկրյա գործակալների մասին օրենքի» վերաբերյալ «հրապարակային քննարկում» անցկացնելու համար, հայտնում է SOVA-ն։
Պետության ղեկավարն ընդգծել է, որ այն, ինչ բոլորն արդեն գիտեին, կրկին ասվել է Վրաստանի վարչապետին, այդ թվում՝ Գերմանիայում կանցլեր Օլաֆ Շոլցի հետ հանդիպման ժամանակ․ «օտարերկրյա գործակալների մասին օրենքը» եվրոպական չէ։
«Բեռլինում արդեն քննարկում եղել է վարչապետների միջև։ Եվ այն, ինչ պետք է ասվեր, ասվել է․ այս օրենքը եվրոպական չէ։ Եվ դրա վերադարձը նույնպես ձեռնտու չէ <հայտարարված> եվրոպական նպատակին։ Էլ ի՞նչ»,- գրել է Զուրաբիշվիլին սոցցանցում։
