«Multi Group» կոնցեռնը 2012թ-ին ծրագրում է հորատել 15 հազ. մ` Մղարթի հանքավայրի հետազոտությունն ավարտին հասցնելու նպատակով: Ինչպես NEWS.am-ի թղթակցին հայտնեց կոնցեռնի գլխավոր տնօրեն Սեդրակ Առուստամյանը, հորատման աշխատանքների նման ծավալ եղել է նաեւ 2011թ-ին:
«Հետախուզական աշխատանքները մեզ համար իրականացնում է բրիտանական SRK ընկերությունը, որն արդեն ավարտել է հորտաման առաջին փուլը: Ներկայումս հանքավայրի պաշարները գնահատվում են 7 – 8 տոննա ոսկու կարգի»,-նշեց Ա. Առուստամյանը` ավալացնելով, որ հանքավայրի արդյունաբերկան խտանյութում այլ մետաղները բացակայում են:
Հիշեցնենք, որ հանքավայրին կից գործում է լեռնահարստացուցիչ կոմբինատ, որը կառուցվել է 2004 թ-ին: Վերջին երկու տարում հանքավայրի շահագործումը դադարեցվել էր` հետախուզական աշխատանքներն ավարտին հասցնելու համար:
