Ֆրանսիայի Ազգային Ժողովի կողմից Հայոց Ցեղասպանության ժխտումը քրեականացնող օրենքի ընդունումից եւ Թուրքիայի կողմից հնչող քննարդատություններից հետո հանրահայտ շանսոնյե Շառլ Ազնավուրը, կինոռեժիսոր Ռոբեր Կետիկյանը, իրավաբան Սերժ Կլարսֆելդը, փիլիսոփաներ Բեռնար-Անրի Լեւին եւ Միշել Օնֆրեն, ինչպես նաեւ թուրք գրող Էրոլ Օզկորայը համատեղ կոչ են ստորագրել` նպատակ ունենալով համոզել քաղաքական գործիչներին վավերացնել այդ օրենքը Սենատում:
«Le Journal du Dimanche»-ում հրապարակված այդ կոչում ասված է.
«Ինչպես գրել է Էլի Վիզելը, այժմ ժխտումը նշանակում է սպանել զոհերին երկրորդ անգամ: Այդ պատճառով արժե ողջունել 2011-ի դեկտեմբերի 22-ին Ազգային ժողովում անցկացված քվեարկությունը, որը որոշում կայացրեց Եվրոպայի` ռասիզմի, խտրականության եւ ժխտման վերաբերյալ ընդունված Շրջանակային որոշման օգտին: Չնայած տարածված քննարկումներին` դա հուշակոթողային օրենք չէ. պատմությունը արդեն գրվել է պատմաբանների կողմից: Այդ փաստաթուղթը իրավունքի մի մաս է: Ընթացք տալով եվրոպական այդ դերեկտիվին` պատգամավորներին երաշխիքներ են ներկայացրել օրենքով ճանաչված բոլոր ցեղասպանությունների (Հոլոքոստ, Հայոց Ցեղասպանություն) զոհերին` տալով իրավական հիմք` ցեղասպանության` «ծայրահեղությունների հասնող» ժխտման ձեւերից խուսափելու համար:
Մասնավորապես, թիրախը պետական ժխտումն է, որը թուրքական իշխանությունները հասցնում են մինչեւ Ֆրանսիայի հանրապետության տարածք: Իսկ պատգամավորները մնացել են իրենց գործառույթների շրջանակներում, որպեսզի պահպանեն մարդկային արժանապատվությունը, որը մտնում է Մարդու իրավունքների համընդհանուր հռչակագրի նախաբանի առաջին մասի մեջ, ինչպես նաեւ նրանք կարող են ընդունել օրենքներ` հասարակական կարգի խախտման ցանկացած վտանգից խուսափելու համար: Որպեսզի տեքստը ստանա օրենքի ուժ, մենք կոչ ենք հանրապետության նախագահին, կառավարությանը եւ հիմնական կուսակցություններին, հաստատել իրենց ժեստը, թույլ տալ Սենատի կողմից օրենքի վավերացումը»:
