Գյուղատնտեսության ոլորտում Հայաստանն ու Ռուսաստանն ունեն համագործակցության խորացման լավ հեռանկարներ: Այդ մասին այսօր` փետրվարի 7-ին լչրագրողների հետ հանդիպման ժամանակ հայտարարեց Ռուսաստանի Դաշնության փոխվարչապետ Վիկտոր Զուբկովը: Մասնավորապես` երկկողմանի հետաքրքրություն են ներկայացնում ջերմոցների եւ անասնապահակլան համալիրների կառուցման ծրագրերը, գյուղատնտեսական տեխնիկայի մատակարարման կազմակերպումը:
Վ. Զուբկովի խոսքով` այդ ծրագրերի իրականացմանը մեծապես կարող են նպաստել ռուսաստանյան այնպիսի ընկերություններ, ինչպես «Ռոսսելխոզբանկը» եւ «Ռոսագրոլիզինգը»:
Վ. Զուբկովը տեղեկացրեց, որ Ռուսաստանը պատրաստ է բացել Հայաստանում «Ռոսսելխոզբանկի» ներկայացուցչություն եւ սկսել ՀՀ գյուղատնտեսության վարկավորումը: Իսկ «Ռոսագրոլիզինգը» պատրաստ է լիզինգային կազմակերպության դուստր ընկերություն հիմնել Երեւանում:
ՀՀ վարչապետ Տիգրան Սարգսյանը տեղեկացրեց, որ համատեղ աշխատանքային խումբը 1 ամսվա ընթացքում համաձայնեցնելու է Հայաստանում ռուսաստանյան բանկի եւ լիզինգային կազմակերպության գործունեության ծավալման մանրամասները, ինչից հետո կընդունվի վերջնական որոշում: