Զարգացած առեւտրային արբիտրաժը կնպաստի Հայաստանի բիզնես միջավայրի բարելավմանը: Այդ մասին այսօր` փետրվարի 22-ին լրագրողների հետ հանդիպման ժամանակ հայտարարեց ՀՀ արդարադատության նախարարի տեղակալ Արամ Օրբելյանը:
Թեեւ Հայաստանում 2007 թ. ստեղծվել է Արբիտրաժային դատարան, սակայն այն լիարժեք չի գործում, բացի այդ` գործում է ՀՀ Առեւտրաարդյունաբերական պալատին կից:
Ըստ Օրբելյանի` բիզնես-վեճերը լուծելու համար առեւտրային արբիտրաժն ավելի արդյունավետ է, քան դատարանը, թեեւ ամբողջովին չի կարող փոխարինել դատական համակարգին:
Առեւտրային արբիտրաժի զարգացումը Հայաստանում իրականացվում է Եվրամիության ֆինանսական աջակցությամբ:
