Աբխազիայի նախագահ Ալեքսանդր Անկվաբի մահափորձի մեղավոր Վրաստանում համարում են Ռուսաստանին, իսկ ռուս փորձագետները վրացական հետք են որոնում:
Վրաստանի խորհրդարանի նախագահ Դավիթ Բաքրաձեն հայտնել է լրագրողներին, որ չի կարող կարող ասել, թե ինչի հետ է կապված ահաբեկչությունը, «բայց ըստ միջազգային իրավունքի, Աբխազիայում տեղի ուենցող բոլոր գործընթացների համար պատասխանատու է Ռուսաստանը, որպես այդ տարածքը զավթած երկիր»:
Միեւնույն ժամանակ Ժողովրդավարության խնդիրների հետազոտման հիմնադրամի տնօրեն Մաքսիմ Գրիգորեւը «Պրավդային» ասել է, թե Աբխազիայի նախագահ Ալեքսանդր Անկվաբի դեմ հերթական մահափորձի մեջ մեղավոր է Վրաստանը: «Աբխազիայի եւ Վրաստանի առկա հարաբերություններից կարելի է ենթադրել, որ դրա հետեւում կանգնած է Թբիլիսին»,- ասել է Գրիգորեւը:
Նշենք, որ Ալեքսանդր Անկվաբի կորտեժը գնդակոծվել է այսօր առավոտյան նռնականետից եւ գնդացրից Գուդաուտա-Սուխումի ավտոճանապարհին: Զոհվել են երկու թիկնապահներ, ողջ հանրապետությունով ոստիկանական գործողություն է սկսվել:
