Դանիայի ռազմածովային ուժերի աջակցության եւ կառավարման ունիվերսալ Absalon նավը փետրվարի 28-ի գիշերը Սոմալիի ափերի մոտ սոմալեցի ծովահենների նավ է զավթել:
Ինչպես հաղորդում է ԻՏԱՌ-ՏԱՍՍ-ը` վկայակոչելով դանիական ռազմածովային ուժերի հրամանատարությանը, սկզբում ծովահենների նավի ուղղությամբ նախազգուշական ազդանշան է տրվել: Ծովահենները չեն արձագանքել, որից հետո էլ արդեն դանիացիները հարվածել են:
Երբ նավը գրավվել է, նրա վրա եղել են 17 ծովահեններ եւ 18 պատանդներ: Չնայած բժշկական օգնությունը` գերինեից երկուսը մահացել են: Absalon-ի անձնակազմը չի տուժել, տեղեկացնում է «Վզգլյադը»:
