Ոստիկանության ծառայողները, փետրվարի 28-ին, ժամը 17.10-ին, Երեւանի Լենինգրադյան եւ Սեբաստիայի փողոցների խաչմերուկից բերման են ենթարկել 39-ամյա մի տղամարդու, ում մոտ հայտնաբերվել է ներարկիչ` ացետիլացված ափիոն թմրամիջոցի նմանվող շագանակագույն հեղուկով:
Ոստիկանության մամուլի ծառայությունից NEWS.am-ին հայտնում են, որ նույն օրը, ժամը 13.15-ին, ոստիկանության Մարաշի բաժանմունքի ծառայողները Շիրակի փողոցում գտնվող «Սուրբ Աստվածամայր» բժշկական կենտրոնի նկուղային հարկից բերման են ենթարկել 50-ամյա մի տղամարդու, որի մոտ հայտնաբերվել է թմրամիջոցի նմանվող 5,7 գրամ դեղնականաչավուն զանգված:
Կատարվում է հետաքննություն: