Մոր արգանդի միջավայրը կապ ունի հետագայում երեխայի քաշի ավելացման հետ: Նման համոզման են եկել բրիտանացի գիտնականները, հաղորդում է BBC-ին:
Գիտնականները երեխայի ծնվելու պահին փոփոխություններ են նկատել ԴՆԹ-ում, որոնք կարող են պայմանավորված լինել մոր սննդակարգով, սթրեսով կամ շրջակա միջավայրի աղտոտվածությամբ: Սակայն հետազոտողները նշում են, որ դեռեւս շատ բան պետք է անել` վերջնականապես ապացուցելու համար այդ փոփոխությունների եւ ճարպակալման միջեւ կապը:
Երեխաների եւ մեծահասակների մոտ ճարպակալումը շատ պատճառներ ունի, սակայն գիտնականները դա պայմանավորում են որոշակի գեների, օրինակ, FTO-ի հետ: Մյուսները դիտարկում են ոչ թե գեները, այլ դրանց հետ կապված մոլեկուլյար փոփոխությունները, որոնք որոշակի դեր կարող են խաղալ մարմնում` հաշվի առնելով, թե ինչպես են գեները կոդավորվում շատ սպիտակուցներում:
Այդ փոփոխությունները, ինչպես ենթադրվում է, հաճախ պայմանավորված են էկոլոգիական գործոնների ազդեցությամբ, ինչպիսին են սնունդը, սթրեսը, ծխելը կամ հորմոնները, մասնավորապես մոր արգանդում եւ վաղ մանկության շրջանում:
