Մարդու իրավունքերի պաշտպանն ԱԺ նախագահ Սամվել Նիկոյանին է ուղարկել է 2011 թվականի զեկույցը եւ հիշեցրել, որ այս գարնանային նստաշրջանում ԱԺ պատգամավորները պարտավոր են լսել այն: Այդ մասին այսօր` ապրիլի 4-ին հրավիրած ասուլիսում ասաց Մարդու իրավունքերի պաշտպան Կարեն Անդրեսյանը:
Նա հույս հայտնեց, որ զեկույցը գարնանային նստաշրջանի ընթացքում կդրվի ԱԺ պատգամավորների քննարկմանը: 2011-ի տարեկան զեկույցում խնդիրները դասակարգված են ըստ 25 պետական մարմինների գործունեության ոլորտների: Զեկույցի 25 բաժինները արտացոլում են յուրաքնչյուր մարմնի իրավասությունների տիրույթում արձանագրված բացթողումները ու թերացումները , որոնց հետեւանքով ոտնահարվել են մարդկանց իրավունքները:
Զեկույցում արտացոլված են նաեւ յուրաքանչյուր գերատեսչության գործունեության արդյունքում արձանգրված դրական զարգացումները, որոնք նպաստել են իրավունքերի պաշտպանությանն ու իրացմանը: Զեկույցի 26-րդ բաժինը վերաբերում է մարդու իրավունքների պաշտպանի եւ նրա աշխատակազմի գործունեությանը, ձեռքբերումներին եւ թերացումներին:
