Հայաստանում ապրիլի 5-ին, 6-ին սպասվում է առանց տեղումների եղանակ: Այս մասին NEWS.am-ին հայտնեցին ԱԻՆ-ից: Նրանց փոխանցմամբ`  ապրիլի 7-ի եւ 9-ի ցերեկը առավելապես հյուսիսային շրջաններում,իսկ 8-ին` շրջանների զգալի մասում սպասվում է կարճատեւ անձրեւ եւ ամպրոպ: Քամին հարավ-արեւմտյան հատվածում կլինի 5-10 մ/վրկ արագությամբ, ամպրոպի ժամանակ սպասվում է քամու ուժգնացում` 15-20 մ/վրկ: Օդի ջերմաստիճանը ապրիլի 5-ին եւ 6-ին կբարձանա 2-4 աստիճանով:

ԱԻՆ-ի փոխանցմամբ` Երեւանում` ապրիլի 5-ին, 6-ին սպասվում է առանց տեղումների եղանակ: Ապրիլի 7-ի եւ 9-ի երեկոյան ժամերին հնարավոր է ամպրոպ, տեղումների հավանականությունը փոքր է, իսկ ապրիլի  8-ի ցերեկը սպասվում է կարճատեւ անձրեւ եւ ամպրոպ: