Ընդդիմության միասնական թեկնածուն, ապակու հետեւից նշմարվող ստվերի պես, ուրվագծվում էր գնալով ավելի հստակ, սակայն այդպես էլ չնյութականացավ։ Այդ մասին գրում է «Հայոց աշխարհ» թերթը։
«Իդեալական տարբերակ գտնել չհաջողվեց։ Մեր դիտարկումներով, երկրում մնացել է միասնական թեկնածուին հավատացող միայն մի մարդ ՝ Պարույր Հայրիկյանը, որն այդ դերում, բնականաբար, տեսնում է բացառապես իրեն։
Բայց հանձին նրա՝ մենք ունենք այնպիսի ջերմաչափ, որը միեւնույն նիշերն է ցույց տալիս։ Այդպիսի սարքի մասին ընդունված է ասել, թե ցույց է տալիս ցախի գինը, ուստի նրա օգտակարությունը կասկածելի է»,- գրում է «Հայոց աշխարհը»։