Գորիսում տեղի ունեցած վերջին իրադարձություններից հետո հրաժարականի դիմում ներկայացրեց Սյունիքի մարզպետ Սուրեն Խաչատրյանը, որից հետո մարզպետի պարտականությունները դրվեցին մարզպետի տեղակալի՝ Արա Դոլունցի վրա։ Այս մասին հիշեցնում է «Չորրորդ ինքնիշխանություն» թերթը եւ հավելում. «Վերջինս այս պահին մարզպետի ժամանակավոր պաշտոնակատար է, եւ արդեն այս իրողությունը զանազան խոսակցությունների առթի է հանդիսացել թե սյունեցիների, թե առհասարակ քաղաքական-հասարակական շրջանակների համար։
Ի դեպ, իշխանական շրջանակում կա հատված, որն ակտիվորեն աշխատում է Դոլունցի նշանակման դեմ՝ որպես փաստարկ ներկայացնելով «Լիսկայի մարդ» լինելու հանգամանքը։ «ՉԻ» տեղեկություններով՝ որպես ապագա մարզպետ շրջանառվում է նաեւ գնդապետ Մելիքսեթ Պողոսյանի՝ Մելոյի թեկնածությունը։
Վերջինս Սերժ Սարգսյանի հայրենակիցն է, Մելոն ծնվել է Գորիսի շրջանի Տեղ գյուղում։ 1988թ.-ից Մելոն մասնակցել է Արցախյան շարժմանը, ապա պատերզմի տարիներին գլխավորել է «Մելիք Բարխուդար» կամավորական ջոկատների միավորումը։ Այնուհետեւ վերջինս բավական երկար ժամանակ եղել է բրիգադի հրամանատար, իսկ 2007թ.-ից զբաղեցնում է Գորիսի զինվորական կոմիսարի պաշտոնը։ Նա եւս պարգեւատրվել է Առաջին աստիճանի մարտական խաչ շքանշանով»,- գրում է «Չորրորդ ինքնիշխանությունը» (Մանրամասները՝ թերթի այսօրվա համարում):
