Արժույթի միջազգային հիմնադրամի հայաստանյան ներկայացուցիչ Տերեսա Դաբան Սանչեսի խոսքով՝ տնտեսական աճը Հայաստանում դանդաղում է, եւ առաջիկայում, փաստորեն, չպետք է ակնկալել երկնիշ կամ դրան մոտ տնտեսական աճ, քանի որ տնտեսության աճն ընկնում է իր նորմալ տեմպերի մեջ՝ տարեկան 4-5 տոկոս։ Այս մասին գրում է «Ժողովուրդ» թերթը եւ հավելում. «Ինչպես հայտնի է, այս տարվա համար կառավարությունը սպասում է 7 տոկոս տնտեսական աճ։ Տարվա առաջին կեսին ԱՄՀ-ն կանխատեսել էր 4,3 տոկոս աճ, սակայն այս սեպտեմբերին նվազեցրեց նաեւ այդ աճը՝նշելով, որ 2013-ին ՀՀ տնտեսությունը կաճի մինչեւ 4 տոկոս»,- գրում է «Ժողովուրդը» (Մանրամասները՝ թերթի այսօրվա համարում):
