Հյուսիսային Կորեան դժվար թե հրթիռի արձակումն իրականացնի այսօր` ապրիլի 12-ին` ոչ բարենպաստ եղանակային պայմանների պատճառով: Հրթիռի արձակման համար նախապես հայտարարված ժամանակը (02:00-07:00 Երեւանի ժամանակով) արդեն անցել է:
Հիշեցնենք, որ նախօրեին արդեն սկսել էին վառելիքով լիցքավորել հրթիռը: Դրանից հետո նախատեսվում էր հրթիռի մոտ տանել հատուկ քիմիկատներ, ինչը կենթադրեր, որ հրթիռի արձակումը հնարավոր է արդեն այսօր, քանի որ դրանք կոռոզիա են առաջացնում, հաղորդում է РБК-ն:
Ավելի վաղ «Ինտերֆաքսը»` վկայակոչելով իր աղբյուրները, հաղորդել էր, որ հրթիռի արձակումը տեղի է ունենալու ապրիլի 14-ին:
