Հայտնի ռուս հեռուստահաղորդավար Քսենիա Սոբչակը, ով մտադիր է ապրիլի 13-ին թռչել Աստրախան եւ սատարել հացադուլ անող էսէռներին, հայտարարել է, որ պատրաստ է վճարել բոլոր ցանկացողների տոմսի գումարը: Այդ հայտարարությունից հետո, Սոբչակի հաշվին Աստրախանում հայտնվել ցանկացողների թիվն այնքան մեծ է եղել, որ ուրբաթ օրվա Մոսկվա-Աստրախան չվերթի տոմսներն ավարտվել են:
Նա իր բլոգում գրել է, որ ուղեւորությունը կկազմակերպվի գնացքով, հաղորդում է «Ռոսբալթ»-ը:
