«ՆԱՍԴԱՔՕԷՄԷՔՍ Արմենիա» բորսայում այսօր` ապրիլի 12-ին արտարժույթի առուվաճառքի գործարքներ տեղի չեն ունեցել: Առեւտրային բանկերը պահանջարկ են ներկայացրել 1դոլար/392դրամ փոխարժեքով, սակայն առաջարկի նվազագույն փոխարժեքը 1դոլար/392.25 դրամն էր: Նշենք, որ երեկ բորսայում դոլարի միջին փոխարժեքը 392.37 դրամն էր:
Հետեւաբար, թեեւ այսօր բորսայում գործարք չի կայացել, դոլարը թեթեւակի զիջել է դիրքերը:
Կանխիկ արտարժույթի շուկայում փոխարժեքների էական փոփոխություններ չեն արձանագրվել: Թեեւ երեկ երեկոյան դոլարը փոխանակման կետերի կողմից գնվում էր 392 դրամով, այսօր կրկին առքի փոխարժեքը գտնվում է 391-391.5 դրամի սահմաններում: Դոլարը վաճառվում է նվազագույնը 393 դրամով: