Երեւանի Հ. Պարոնյանի անվան երաժշտական կոմեդիայի թատրոնում ապրիլի 12-ին կկայանա «Ի՞նչ են ուզում տղամարդիկ» կատակերգական ներկայացման միակ ցուցադրությունը:
Գլխավոր դերերում են կինոյի եւ թատրոնի հայտնի արտիստ Իվար Կալնինշը եւ ռուսաստանյան էստրադային արտիստ Ելենա Վորոբեյը: Այդ մասին այսօր` ապրիլի 12 –ին հայտարարեց Իվար Կալնինշը (ֆոտոռեպորտաժ):
Նրա խոսքով` նախագիծը բոլորովին վերջերս է ի հայտ եկել: Սա Ալբերտ Գերնիի պիեսն է, որը բեմադրվել է նաեւ Բրոդվեյում:
Ելենա Վորոբեւի խոսքով էլ, այս ներկայացումը սիրո մասին է, որը ձգվում է երկար տարիներ եւ վերածվում սովորության, կենցաղի. «Երբ երկու մարդ դադարել են զրուցելուց, միմյանց լսելուց, այդ ժամանակ ի հայտ է գալիս երրորդը... Մնացածը թող անակնկալ լինի»:
Ներկայացման ռեժիսորը Օլգա Շվեդովան է, պրոդյուսերը` Անդրեյ Ֆեոֆանովը, նկարիչը` Դմիտրի Դրոբիշեւը:
