Ապրիլի 12 -ին ամրացվել են Վլադիվոստոկի մայրցամաքային մասը Ռուսկի կղզու հետ կապող կամրջի վերջին մասերը: Այս տարվա սեպտեմբերին Ռուսկի կղզում կանցկացվի Ասիա-խաղաղօվկիանոսյան տնտեսական համագործակցության գագաթնաժողովը: Կամրջով երթեւեկությունը կբացվի արդեն հուլիսի 2-ին, երբ Վլադիվոստոկում կնշեն քաղաքի հիմնադրման տարեդարձը:
Նման կամուրջներն աշխարհում եզակի են, իսկ Ռուսաստանում երբեւէ չեն եղել, հաղորդում է «Վեստին»:
Կամրջրի կառուցումն սկսվել է 2008թ. սեպտեմբերին: Գործընթացում հաստատվել են մի քանի ռեկորդներ. կամրջի հիմնական հենասյուները կանգնեցված են 320մ բարձրության վրա, ձգվող ճոպաններն ավելի քան 579 մ են, Բոսֆորի նեղուցի վրայով կամարջրի պողպատե թռիչքը եւս նմանը չունի:
Եւս մի քանի ամիս կկատարվեն հարդարման աշխատանքներ. կամուրջը կասֆալտապատվի, լուսավորություն կապահովվի:
