Մտագարությամբ տառապող մարդկանց թիվը 2030թ-ին կավելանա գրեթե երկու անգամ` հասնելով 65,7մլն մարդու, կանխատեսում է Առողջապահության համաշխարհային կազմակերպությունը (ԱՀԿ), գրում է The Daily Mail-ը:
Իսկ 2050թ-ին նման հիվանդների թիվը կաճի 70%-ով` այօրվա 35,6 մլն ցուցանիշի համեմատ: Հայտնի է, որ մտագարության զարգացումը կապված է ուղեղի մի շարք հիվանդությունների հետ, որոնք ազդում են վարքագծի, հիշողության, մտածելու ունակության վրա: Ավելի հաճախ հանդիպող տեսակից է Ալցհեյմերի հիվանդությունը, որին բաժին է ընկնում բոլոր դեպքերի 70%-ը:
Alzheimers Disease International զեկույցի համաձայն` տարեկան ախտորոշվում է մտագարության 7,7 մլն նոր դեպք (գրեթե յուրաքանչյուր չորս վայրկյանը մեկ նոր հիվանդ է ի հայտ գալիս): Իսկ բուժումը կարժենա տարեկան 604 մլրդ դոլար: Ընդ որում` միայն աշխարհի ութ երկրում է առկա նման հիվանդության դեմ պայքարի ազգային ծրագիր: