Ոչ մեծ քանակությամբ խմիչքը օգնում է կատարել դժվար առաջադրանքները. նման եզրակացության են եկել Իլինոյսի համալսարանի գիտնականները: Նրանք պարզել են, որ խմիչք օգտագործող տղամարդիկ ավելի լավ են գլուխկոտրուկներ լուծում, քան չխմողները:
Ըստ գիտնականների, ալկոհոլը, խոչընդոտելով վերլուծական մտածողությանը, խթանում է ստեղծագործականը:
MedDaily-ն գրում է, որ ստեղծագործական մտածողության խթանման համար իդեալական չափաբաժինը օրական երկու միջին տարողության գավաթ գինին է:
Գիտնականները 40 առողջ երիտասարդների մասնակցությամբ փորձ են կատարել: Կամավորներին երեք բառ են տվել` «մետաղադրամ», «արագ» եւ «գդալ»: Դրանց հարկավոր էր հավելել 4-րդ բառը, որը կմիավորեր նախորդներին: Թեստի 20 մասնակիցներին դրանից առաջ խմիչք են տվել:
Արդյունքում խմողները 40%-ով գերազանցել են չխմողներին: Հարցին նրանք պատասխանել են 12 վայրկյանի շրջանակում, այնինչ չխմողերը` 15,5 վայրկյանի: