Վրաստանի խորհրդարանի նախագահ Դավիթ Բաքրաձեն որոշ պատգամավորների կզրկի ամսվա աշխատավարձից: Օրենսդիր մարմնի ղեկավարը նման որոշում է կայացրել այն պատճառով, որ պատգամավորները չեն ներկայացել լիագումար նիստին եւ խափանել են մի շարք օրինագծերի քվեարկությունը:
Ինչպես տեղեկացնում է «Նովոստի Գռուզիան», քվեարկության գործընթացը հետաձգվել է քվորումի բացակայության պատճառով, ինչի համար անհրաժեշտ է 76 պատգամավորների մասնակցությունը:
Այն բանում, որ նիստին բավական քանակությամբ պատգամավորներ ներկա չեն, կասկածել է «Միասնություն հանուն արդարության» ընդդիմադիր խմբակցության ներկայացուցիչ Ջոնդի Բագատուրիան` մատնանշելով, որ ըստ ցուցատախտակի, գրանցված են եղել 98 պատգամավորներ: Բակրաձեն խորհրդարանական տեսուչներին հանձնարարել է ճշտել քվեարկած պագամավորների քանակը եւ անվանական ցուցակ կազմել:
«Պարզվել է, որ քվորում չի եղել, եւ մի քանի վահանակներ օգտագործվել են բացակայող պատգամավորների փոխարեն: Այդ պատճառով էլ, ըստ կանոնակարգի, ես որոշում եմ ընդունել զրկել բացակայող պատգամավորներին ամսական աշխատավարձից», - հայտարարել է Բաքրաձեն:
