Կանադայում վախճանվել է հայտնի գրող Ռոժե Քարոնը, ով իր կարիերան սկսել եւ ավարտել է որպես հանցագործ:
Ինչպես հաղորդում է AP-ին, այն բանից հետո, երբ 60-ականներին ապագա գրողը մի շարք բանկերի կողոպուտ է իրականացրել եւ մի քանի անգամ փախել է բանտից, Քվեբեկի լրագրողները կնքել են նրան որպես «Գազազած շուն»:
Գործակալությունը նշում է, որ կողոպուտի գնալիս Քարոնը սիրում էր օգտագործել հայտնի ամերիկացի քաղաքական գործիչների` Ռիչարդ Նիքսոնի եւ Ռոնալդ Ռեյգանի դիմակները, որոնք այդ տարիներին նախագահել են:
Քարոնը բանտում է գրագիտություն սովորել, իսկ նրան փառք բերած առաջին գիրքը «Դավայ, փոքրիկ» (Go, Boy) փաստագրական գիրքն է, որը հրատարակվել է 1978-ին:
Հաջողությամբ ոգեւորված` նա փորձել է վերջ դնել քրեական անցյալին: Կանադայի իշխանությունները օգնել են նրան, ինչպես կարողացել են` փորձելով ներկայացնել «որպես ռեաբիլիտացիա անցած հանցագործի շտկման լավ օրինակ», հաղորդում է NEWSru.com-ը:
Բայց նա չի կարողացել երկար ժամանակ ապրել նորմալ կյանքով, եւ սկսել է կրկին բանկեր թալանել: