Արաբկիր վարչական շրջանում գտնվող «Կոնվերս բամնկի» մասնաճյուղերից մեկում պայթուցիկ նյութ տեղադրված չէր։ NEWS.am-ի աղբյուրների փոխանցմամբ՝ պայթուցիկ նյութ տեղադրված լինելու մասին կեղծ ահազանգը վերաբերել է հենց «Կովերս բանկին»։
ԱԻՆ-ից NEWS.am-ը տեղեկացավ, որ կեղծ ահազանգի հեղինակը դեռ չի հայտնաբերվել։ Դեպքի վայր են ժամանել ոստիկաններ, ԱԻՆ աշխատակիցներ ու շտապօգնության մեքենաները շտապել են: Դեպքի վայր էր մեկնել մեկ մարտական հաշվարկ, փրկարարար ուժերի վարչության հատուկ փրկարարական ջոկատի հերթապահ խումբը, ճգնաժամային կառավարման կենտրոնի օպերատիվ խումբը: Դեպքի վայրում իրականացվել է շենքի աշխատակիցների տարահանում: Դեպքի վայր ժամանած ոստիկանության կինոլոգիական ծառայության աշխատակիցների կողմից կատարվել է տարածքի զննում. պայթուցիկ սարք չի հայտնաբերվել:
Ավելի վաղ NEWS.am-ը հայտնել էր, որ առավոտյան ահազանգ է ստացվել, որ Արաբկիր վարչական շրջանում` Կոմիտաս 49 շենքի մոտ պայթուցիկ նյութ է տեղադրված:
Սակայն ՀՀ ոստիկանության Արաբկիրի բաժնից NEWS.am-ի թղթակցին տեղեկացրել էին, որ ահազանգը կեղծ է եւ չի համապատասխանում իրականությանը: Հարկ է նկատել, որ տեղի բնակչությունը կեղծ ահազանգից հասցրել է մի լավ վախենալ եւ սպասողական դրության մեջ հայտնվելով մեկուսանալ սույն տարածքից:
