Թեհրանում ազատ են արձակվել երկու ռուսներ, որոնք ձերբակալվել էին ապրլի 5-ին:
Ձերբակալվածները պայմանագրով աշխատում էին ղազախստանյան-իրանական «Զար կուխ» ընկերությունում եւ կալանքի տակ էին առնվել ընկերության աշխատակիցների կազմում: Տվյալ պահին հայտնի չեն ոչ նրանց ձերբակալման պատճառները, ոչ էլ` ազատ արձակելու:
Ռուսաստանի արտգործնախարարությունն իրանական իշխանություններից տվյալ միջադեպի կապակցությամբ սպառիչ բացատրությունների է սպասում, հայտնում է «Արգումենտի ի ֆակտին»:
Ներկայումս Ռուսաստանի քաղաքացիներ Ա. Ս. Կայսինը եւ Ա. Պ. Ռմանենկոն գտնվում են հյուրանոցում: Նրանց վիճակը գնահատվում է ոչ բավարար: Դեսպանատան աշխատակիցների կողմից նրանց են փոխանցվել համապատասխան դեղամիջոցներ, առաջին հնարավորության դեպքում կիրականացվի զննում` Թեհրանում ռուսական դեսպանատան բժշկի կողմից:
