A/H1N1 համաճարակային գրիպով վարակվածների թիվը Հայաստանում հասել է 38-ի: Այդ մասին NEWS.am-ի թղթակցի հետ զրույցում հայտնել է Հայաստանի գլխավոր համաճարակաբան Արա Ասոյանը:
«Բոլոր 38 դեպքերը լաբորատոր կերպով հաստատվել են, անալիզներն այդ հիվանդների մոտ բացահայտել են A/H1N1 վարակի առկայությունը»,- հայտնեց Ասոյանը:
Միեւնույն ժամանակ, ինչպես դեկտեմբերի 8-ին լրագրողների հետ հանդիպմանը հայտարարել է Հայաստանի առողջապահության նախարար Հարություն Քուշկյանը, այսօրվա դրությամբ երկրում արձանագրվել է «խոզի գրիպով» վարակման 40 դեպք:
Հիշեցնենք, որ դեռ երեկ հաղորդվում էր 35 հիվանդների մասին: Գրիպի համաճարակի սպառնալիքի պատճառով Արմեն Աշոտյանը դեկտեմբերի 7-ին հրամանագիր է ստորագրել նախադպրոցական եւ հանրակրթական հաստատությունները դեկտեմբերի 8-ից 19-ը փակելու մասին:
