Ռուս հայտնի հաղորդավարուհի Քսենիա Սոբչակի նոր հաղորդումն ապրիլի 22-ին թողարկվել է վրացական ռուսալեզու «ՊԻԿ» հեռուստաալիքի եթերում: Ավելի վաղ Թբիլիսիում պնդել էին, որ արբանյակային ալիքի տարածմանը փորձել են խանգարել ռուսական իշխանությունները:
Սոբչակի «Պետդեպ» թոք շոուն հանվել էր ռուսական MTV-ի եթերից` նախագահի ընտրություններից մի քանի շաբաթ առաջ, հիշեցնում է gazeta.ru-ն:
Նոր հաղորդման ոճը, ժանրը եւ բովանդակությունը հեռտեւյալ կերպ է բնորոշվում. «Սուր հարցեր: Անկեղծ պատասխաններ: Այստեղ եւ այժմ: Քսենիա Սոբչակի նոր հասարակական-քաղաքական «Գլխավոր թեմա» թոք շոուում: Հաղորդավարուհին եւ նրա հյուրերը քննարկում են ամենանշանակալից իրադարձությունները երկրի կյանքից ամեն կիրակի «ՊԻԿ» ալիքով»:
«Դուրս կգա՞ն արդյոք ռուսական քաղաքների փողոցներ միլիոնավոր բողոքողներ: Թե՞ իշխանությունը քարտ-բլանշ է ստացել մինչեւ 2018 թվականը: Սերգեյ Մարկովն ընդդեմ Դմիտրի Գուդկովի», – հայտարարում է հաղորդումը «ՊԻԿ»-ի կայքում:
Անձամբ Սոբչակը հայտարարել է, որ իրեն այդ նախագիծը հետաքրքիր է նրանով, որ այստեղ խոսքի ազատություն են խոստացել: «Հենց որ Քսենիա Սոբչակը արտասանում է իր համար նվիրական «խոսքի ազատություն» բառը, դա իր համար կարեւոր խթան է ինչ-որ բան անելու», - հայտարարել է նա:
![](/img/videos/06/92/80/300x220.jpg)