Facebook-ի մաքուր եկամուտը 2012 թվականի առաջին եռամսյակում իջել է 12%-ով` մինչեւ 205 միլիոն դոլար անցյալ տարվա համեմատ: Այդ մասին ասվում է ԱՄՆ-ի արժեթղթերի եւ բորսաների հանձնաժողովին հանձնած սոցցանցի փասթաթղթերում:
Ընթացիկ տարվա առաջին երեք ամիսներին ընկերության շահույթն աճել է 44,7%-ով` մինչեւ 1,06 միլիարդ դոլար: Շահույթի մեծ մասը` շուրջ 82%-ը, գովազդներից ստացված եկամուտն է: Մնացածը Facebook-ը վաստակում է ապրանքների առքուվաճառքի հանձնաժողովի վճարումներից, հայտնում է BFM.RU-ն:
Facebook-ի շահույթի գրեթե կեսը` 49,6%-ը, ապահովում են ԱՄՆ-ը եւ Կանադան, երկրորդ տեղում է Եվրոպան` 31%-ով:
Facebook-ի ակտիվ լսարանի քանակը ամսական կազմել է 901 միլիոն օգտվողներ: Մեկ տարի առաջ այն 680 միլիոն էր:
Facebook-ի արժեքը 2012 թվականի մարտի վերջին աճել է 8,9%-ով` մինչեւ 102,8 միլիարդ դոլարի: Ըստ փորձագետների գնահատման` բաժնետոմսերի սկզբնական տեղադրման արդյունքում ընկերությունը կարող է ներգրավել մինչեւ 10 միլիարդ դոլար, որն ԱՄՆ-ի պատմության մեջ կլինի ըստ IPO-ի մեծության չորրորդը Visa-ից, General Motors-ից եւ AT&T Wireless-ից հետո:
