Թուրքիայի ԱԳՆ-ն արձագանքել է ԱՄՆ նախագահ Բարաք Օբամայի` ապրիլի 24-ի կապակցությամբ արած ելույթին` այն որակելով անհիմն ու կողմնակալ:
Թուրքիայի ԱԳՆ-ի տարածած հայտարարության մեջ նշվել է, թե Օբամայի կողմից ներքաղաքական անհանգստությունների ֆոնին արված եւ միակողմանի տեսակետ պարունակող հայտարարությունը դժվարացնում է նաեւ Թուրքիա-Հայաստան հարաբերությունների կարգավորումը:
Նշենք, որ ԱՄՆ նախագահ Բարաք Օբաման այս տարի եւս իր ուղերձում օգտագործել է «Մեծ Եղեռն» արտահայտությունը: