Ռիո դը Ժանեյրոյում վտանգավոր հիվանդության` դենգե տենդի համաճարակ է սկսվել: Տեղի իշխանությունների տվյալներով` տարվա սկզբից հիվանդացության ավելի քան 50 հազ. դեպք է գրանցվել, 12 -ը` մահացու ելքով:
Հաղորդվում է, որ վերջին շաբաթներին, անձրեւներին զուգահեռ, դենգեով հիվանդացության թիվը կտրուկ աճել է:
Համաճարակաբանները տենդն սկսելու հիմնական պատճառներից են համարում անձրեւների տարեշրջանը, երբ ակտիվորեն բազմանում են հիվանդության գլխավոր տարածողները`Aedes Aegypti մոծակները, գրում է «ՎԶԳԼՅԱԴ»-ը:
Դենգե տենդը սուր վարակիչ հիվանդություն է: Այն XIX դարում Բրազիլիա են տարել Ասիայից գնացածները: 1950-ականներին արդյունավետ սանիտարական միջոցառումների շնորհիվ հաջողվել է այն արմատախիլ անել, սակայն 1980-ականներին վարակը կրկին տարածվել է երկրում:
Դենգե տենդի պատվաստանյութ չկա: Ամեն տարի հիվանդությունը աշխարհի արեւադարձային երկրներում հազարավոր կյանքեր է խլում:
