Աֆղանստանում վրացական խաղաղապահ զորակազմի ներկայացուցիչ, սերժանտ Վալերիան Խուջաձեն պայթել է ականի վրա` պարեկություն կատարելու ժամանակ:
Հայտնի չէ, թե միջադեպը երբ է տեղի ունեցել:
Խուջաձեն ծառայում էր անվտանգության աջակցման միջազգային ուժերի (ISAF) 31-րդ գումարտակում` Գիլմենդի նահանգում:
Աֆղանստանում ISAF-ի կազմում ծառայություն է իրականացնում վրացական մեկ վաշտ (175 զինվոր եւ սպա), որը տեղակայված է Քաբուլում` Ֆրանսիայի պատասխանատվության ներքո եւ մեկ գումարտակ Գիլմենդի նահանգում (ընդհանուր թվակազմը 750 մարդ)` ԱՄՆ պատասխանատվության ներքո, հիշեցնում է «Նովոստի Գռուզիա» գործակալությունը:
Հիշեցնենք, որ Աֆղանստանում ծառայություն իրականացնելիս մինչ օրս զոհվել է 16 վրացի զինծառայող: