News
Լրահոս
News
Հինգշաբթի
Հունիս 20
Տեսնել լրահոսը

Նախօրեին ՕԵԿ համամասնական ցուցակից ինքնաբացարկ էր ներկայացրել 18-րդ համարը` «Բույսերիիաշխարհ» արտադրական կոոպերատիվի հիմնադիր Մհեր Համբարձումյանը (Թույների Մհեր), որը համարվում էր ՕԵԿ-ի Մասիս քաղաքի եւ հարակից գյուղերի հենարանը` ձայներ ապահովողը: ՕԵԿ-ից Համբարձումյանի ինքնաբացարկը մեկնաբանել էին որպես կուսակցական որոշում` պատճառաբանելով, թե նա զբաղվելու է կուսակցության խնդիրներով: Այդ մասին գրում է «Հայկական ժամանակը»:

«Այս մեկնաբանությունը, ինչպես երեկ մեզ հետ զրույցում նկատել են մասիսցիները, առնվազն ծիծաղելի է` հաշվի առնելով, որ կուսակցության խնդիրներով զբաղվելու դեպքում Համբարձումյանը քաղաքից չէր հավաքի ՕԵԿ-ի բոլոր զովազդերը, ցուցապաստառները եւ չէր փակի գրասենյակները: Մասիսից մեզ հետաքրքիր տեղեկություններ հաղորդեցին Համբարձումյանի հրաժարականի մասին: Ըստ այդ քաղաքում շրջող լուրերի` Համբարձումյանն ու ՕԵԿ նախագահ Արթուր Բաղդասարյանը պայմանավորվել էին, որ բիզնեսմենը ՕԵԿ-ի համար Մասիսից ապահովելու է ութ հազար ձայն, ինչի համար արվող ծախսերի 1/3-ը հոգալու է անձամբ, իսկ 2/3-ը հոգալու է կուսակցությունը:
Ինչպես մեզ հաղորդեցին Համբարձումյանի մտերիմները` «Բույսերի աշխարհի» հիմնադիրը արել է իր «փայ» ծախսը, Մասիսում ապահովել ամենաշատ քարոզչական պաստառները, 20-30 գրասենյակ բացել, ցուցակագրել 8 հազար քաղաքացու եւ երբ գնացել է Արթուր Բաղդասարյանի մոտ` նախընտրական ծախսերը կոմպենսացնելու, վերջինս ասել է` փող չկա, կարող ենք հեռախոս տալ:
Իրեն «քցված» համարելով` Համբարձումյանը ետ է գնացել, ինքնաբացարկի դիմում գրել, փակել իր բացած բոլոր շտաբերն ու հավաքել բոլոր պաստառները: Ըստ մեզ փոխանցված լուրերի` հենց նույն երեկոյան Մասիս է այցելել ՕԵԿ-ական պատվիրակությունը` Հեղինե Բիշարյանի գլխավորությամբ եւ փորձել Համբարձումյանին համոզել, թե եթե մնա կուսակցությունում` «100%-ով պատգամավոր է դառնալու», ինչը, սակայն, չի ստացվել: Մասիսցիները պատմում են նաեւ, որ այնուհետեւ ՕԵԿ-ականները քաղաքով ընկած գրասենյակ են փնտրել, բայց այդ օրվա դրությամբ չէր հաջողվել գտնել:

Ի դեպ, Համբարձումյանին գտնելն արդեն երկու օր է` անհնար է»,- գրում է «Հայկական ժամանակ» թերթը:

Տպել
Ամենաշատ