Իրանի մայրաքաղաքի անվտանգության ուժերը ձերբակալել են երկու նախկին մահմեդականների, ովքեր քրիստոնյա էին դարձել եւ արգելված եկեղեցու դավանորդներ էին: Ձերբակալվածների գտնվելու մասին առայժմ տեղեկություններ չկան, հաղորդում է «Սեդմիցա.ru»-ն` վկայակոչելով MohabatNews-ը:
Անվտանգության ուժերի աշխատակիցները` քաղաքացիական համազգեստով, առանց ձերբակալման օրդեր ներկայացնելու եկել են 26-ամյա Լադանի տուն: Նրանք առգրավել են նոթբուքը, լուսանկարչական սարքը, գրքեր, լուսանկարներ, ապա տարել են կնոջը:
Ավելի ուշ դատարան է կանչվել նաեւ նրա մայրը:
27-ամյա Խումանը եւս ձերբակալվել է ապրիլի 14-ին: Ենթադրաբար նրանք այժմ գտնվում են Էվին բանտում: Տեղական եկեղեցու անդամները կարծում են, որ ձերբակալությունը կապված է եւս մեկ իրանցու մկրտելու հետ, արարողությանը մասնակցել են Լադանն ու Խումանը:
Իրանում հավատափոխների ձերբակալությունները պարբերական են դարձել տարվա սկզբից: