Պաղեստինի նախկին առաջնորդ Յասեր Արաֆաթի նախկին տնտեսական խորհրդական Մուհամեդ Ռաշիդը պաղեստինական հակակոռուպցիոն դատարանի կողմից դատապարտվել է 15 տարվա տաժանակիր աշխատանքի եւ 15 մլն դոլար տուգանքի` գույքի բռնագրավմամբ: Ինքը` Ռաշիդը գտնվում է Պաղեստինի սահմաններից դուրս:
Ինչպես հաղորդում է «ՌԻԱ Նովոստին», դատարանն ապացուցված է համարել, որ Ռաշիդը յուրացրել է ավելի քան 33 մլն դոլար Պաղեստինի ներդրումային հիմնադրամից: Պաղեստինի պատմության մեջ Ռաշիդն առաջին բարձրաստիճան պաշտոնյան է, որ մեղադրվում է նման հանցագործության մեջ: