Apple ընկերությունը WWDC 2012-ի նախօրեին գովազդային պաստառների տեղադրման ընթացքում հայտնել է իր ծրագրերը iOS 6.0 շնորհանդեսի վերաբերյալ: Սան Ֆրանցիսկոյի Moscone West ցուցասրահում հայտնվել է հետեւյալ մակագրությունը. «iOS 6. Ամենաժամանակակից բջջային օպերացիոն համակարգն աշխարհում»:
Վերջին մի քանի շաբաթների ընթացքում Apple-ի բջջային նոր օպերացիոն համակարգի շուրջ բազմաթիվ լուրեր էին պտտվում, որոնք բացահայտում էին նրա հնարավորությունները: iOS 6.0-ը կարող է ստանալ ֆիրմային քարտեզագրական ծառայությունն Apple-ից, որը փոխարինում է Google Maps-ին, բարելավված ձայնային Siri աջակիցն է, որը կարող է աշխատել ոչ միայն iPhone 4S-ում, այլեւ կբարելավի ծրագրավորողների միջավայրը Facebook ցանցի եւ այլ հաճելի նորույթների շարքի համար, հայտնում է 3DNews-ը:
Հնարավոր է` միջոցառման շրջանակներում բացահայտվեն նաեւ iOS 6.0-ի նոր հնարավորություններ: WWDC 2012-ը մեկնակում է հունիսի 11-ին, եւ շուտով պարզ կդառնա, թե լուրերից որոնք են ի կատար ածվել:
