Ռուս ընդդիմադիր, «Ձախ ճակատի» համակարգող Սերգեյ Ուդալցովի բնակարանի խուզարկության ժամանակ առգրավել են մի քանի պարկ տարբեր փաստաթղթեր, համակարգչի բլոկ, նոթբուք, սկավառակներ, հիշողության կրիչներ, բջջային հեռախոսներ, «Ձախ ճակատի» խորհրդանիշը եւ թռուցիկներ:
Այդ մասին Ուդալցովը հայտնել է «Էխո Մոսկվի» ռադիոկայանի եթերում:
Ուդալցովը նաեւ հայտնել է, որ իրեն եւ կնոջը` Անաստասյա Ուդալցովային հանձնել են հարցաքննության կանչման հայտ, որը պետք է տեղի ունենա հունիսի 12-ին, ժամը 11.00-ին:
Life News-ի հետ զրույցում նա հայտնել էր, որ իրավապահներն իրենց նորմալ են պահել: «Բռնություն չի եղել, խուզարկոթյունը շան հետ էր, ներկա էր նաեւ օպերատորը, մեզ լուսանկարում էին: Խուզարկության թուղթը թվագրված էր հունիսի 8-ով, սակայն եկել էին այսօր` հանրահավաքից առաջ»:
