Վատիկանի բանկին կասկածում են մաֆիայի գումարները լվանալու մեջ: Իտալական լրատվամիջոցները հաղորդում են, որ դատախազությունը խնդրել է Վատիկանի բանկից բացահայտել հաշիվներից մեկի տվյալները:
Քննիչներին հետաքրքրել է Նիննի Տրեպյեդիի հաշիվը: Նա կաթոլիկ հոգեւորական է, ով այժմ հեռացվել է ծառայությունից:
2007-2009թ. հոգեւորականը մոտ մեկ միլիոն եվրոյի փոխանցում է արել: Քննիչները կասկածում են, որ Տրեպյեդին մեղսակից է Սատանա մականունով սիցիլիական մաֆիոզ Մատտեո Մեսինա Դենարոյի գումարների օրինականացմանը:
Ինչպես ավելի վաղ հայտնել էր NEWS.am-ը, մայիսի 25-ին Վատիկանի բանկի ղեկավար Էտտորե Գոտտի Տեդեսկին պաշտոնանկ էր արվել, քանի որ կասկածվում էր փողերի լվացման մեջ:
