Քաղաքացիական պաշտպանության ծրագիրը (PPRD East), որը ֆինանսավորվում է Եվրամիության կողմից, նախատեսում է տարածաշրջանային ռիսկերի էլեկտրոնային քարտեզ ստեղծել Արեւելյան գործընկերության երկրների համար` այդ երկրներում տեխնածին եւ բնական աղետների կանխարգեկման նպատակով: Այդ մասին հայտնում է տեղեկատվական ENPI կենտրոնը:
Էլեկտրոնային քարտեզը հակաճգնաժամային կենտրոնների օպերատորներին, ռիսկի գնահատման մասնագետներին, հետազոտողներին հասանելի կդարձնի երկրաբանական տվյալները, թեմատիկական քարտեզները:
Էլեկտրոնային քարտեզը կինտեգրվի նաեւ դիտարկման համապատասխան համակարգերին եւ ԵՄ-ի նախնական զգուշացմանը:
ԵՄ-ի Քաղաքացիական պաշտպանության ծրագիրը (PPRD East) ուղղված է Արեւելյան գործընկերության վեց երկրների ներուժի ամրապնդմանը եւ ուժեղացմանը ԵՄ-ի հետ (Հայաստան, Ադրբեջան, Բելառուս, Վրաստան, Մոլդովա եւ Ուկրաինա) ` տարերային աղետների արձագանքման եւ կանխարգելման ոլորտում: Ծրագրի ընդհանուր բյուջեն (2010- 2013 թթ.) կազմում է 6 միլիոն եվրո:
