Թել-Ավիվում էվակուատորը տարել է մեքենան, որում քնած երեխա է եղել: Իսրայելական լրատվամիջոցների փոխանցմամբ, մեքենայում քնած է եղել երկրում հայտնի գործարարի որդին:
Դայակը երկու երեխաների հետ միասին տուն է վերադարձել, որոնցից մեկին տարել է տուն, երկրորդին քնած թողնելով մեքենայի հետին նստատեղին:
Երբ մի քանի րոպե անց նա վերադարձել է, նկատել է, որ էվակուատորը տանում է մեքենան: Նա ոստիկանություն է կանչել, փողոցից պատահական մեքենա կանգնեցրել եւ գնացել կայանատեղի, որտեղ տանում են էվակուացված մեքենաները:
Այդ ողջ ընթացքում երեխան քնից չի արթնացել, հաղորդում է NEWSru.com-ը:
Ժամանած ոստիկանները ձերբակալել են էվակուատորի վարորդին:
