Թուրքիայի, Սիրիայի եւ Իրաքի սահմանին հունիսի 14-ի առավոտյան 5,3 մագնիտուդով երկրաշարժ է եղել: Այդ մասին հաղորդում է ԱՄՆ երկրաբանական ծառայության կայքը:
Ստորգետնյա ցնցումներն արձանագրվել են տեղական ժամանակով ժամը 8:53-ին (Երեւանի ժամանակով ժամը 9:52) թուրքական Շըրնաք քաղաքից 33 կմ, եւ Սիրիայի Էլ-Ղամըշլը եւ Իրաքի Մոսուլ քաղաքներից 114 կմ հեռավորության վրա: Երկրաշարժի հիպոկենտրոնը գտնվել է 9,6 կմ խորության տակ:
Զոհերի եւ ավերածությունների մասին տեղեկություններ չեն ստացվել: