Պետերբուրգյան «Պուլկովո» օդանավակայանում ձերբակալվել է Հայաստանի քաղաքացի, որը փորձում էր ձեռքի պայուսակում ատրճանակ պահած Մոսկվա թռչել:
Ուղեւորն զգալի շփոթվել է մետաղական որոնման սարքի զննումն անցնելիս, ինչն էլ գրավել է ոստիկանության աշխատակիցների ուշադրությունը:
Զննման արդյունքում ուղեւորի ձեռքի պայուսակում ատրճանակի նման իր է հայտնաբերվել` 6 փամփուշտ ունեցող փամփշտակալով:
Փորձաքննությունը հաստատել է, որ զենքը հրազենային է, իսկ փամփուշտները զինամթերք են, հայտնում է «Ռոսբալտը»:
Պարզվել է, որ ձերբակալված 28-ամյա տղամարդը Հայաստանի քաղաքացի է եւ ներկայումս ապրում է Տուլայի երկրամասում:
«Պուլկովո» նա ժամանել էր, որպեսզի Մոսկվայի երեկոյան չվերթի տոմս ձեռք բերեր:
Ձերբակալվածը պնդել է, որ չի իմացել ծանրոցի պարունակության մասին, որը նրան տվել էր ընկերը Մոսկվա տանելու համար, զենքը գտնվել է բջջային հեռախոսի տուփում` փակ վիճակում: Ծանրոցը նա պետք է Մոսկվա տեղափոխեր եւ տար իբրեւ թե իրեն անհայտ մարդու: Տղամարդը ձերբակալվել է:
