Ռուսաստանում երիտասարդական քաղաքական ազգամիջյան ասպեկտով զբաղվելու է կառավարական մակարդակով ստեղծված հանձնաժողովը, որում ընդգրկված են «Եդինայա Ռոսիայի» եւ «Երիտասարդ գվարդիայի» ներկայացուցիչները: Կառոյցը ղեկավարելու է փոխվարչապետ Դմիտրի Ռոգոզինի օգնական Ալեքսանդր Բոսիխը:
Հատկանշական է, որ համեմատաբար վերջերս Բոսիխը հայտնվել էր սկանդալի մեջ: Նա հարվածել էր մի աղջկա, ով մասնակցում էր ի պաշտպանություն Pussy Riot խմբի կազմակերպված հանրահավաքին: Բոիխը հերքել էր, թե հարվածել է` նշելով, որ «չափազանց ուժեղ հրել է»:
Իսկ իր բլոգում նա հայտարարել էր, թե ուրախացել է, երբ իմացել է, որ դանակահարել են «Էխո Մոսկվիի» լրագրող Սերգեյ Ասլանյանին` Մուհամեդ Մարգարեի հասցեին արած արտահայտությունների համար:
