Շոտլանդիայի Լոհգիլպհեդ քաղաքի տեղական խորհուրդն ու դպրոցի ղեկավարությունն արգելել են իննամյա աշկերտուհի Մարթա Փեյնին իր բլոգում հրապարակել դպրոցական սննդի լուանկարները:
Ինչպես հաղորդում է Daily Record-ը, փոքրիկ աղջիկն օնլայն օրագիր է սկսել պահել 2012թ. սկզբից, որտեղ նա գրել է , թե ինչ են ուտում դպրոցական ճաշարանում եւ տեղադրել սնունդի լուսանկարները` մեկնաբանություններ անելով դրանց որակի մասին եւ գնահատելով տասը բալանաց համակարգով:
Կարճ ժամանակահատվածում Մարթայի բլոգը հիթ է դարձել, ավելի քան 2մլն դիտում է գրանցվել, հաղորդում է NEWSru.com-ը:
Այն բանից հետո, երբ Մարթայի նշումները հայտնվել են ԶԼՄ-ներում, տեղական ինքնակառավարման մարմիններն արգելել են աղջնակի «վիկիլիքսյան» գործունեությունը: Միջադեպը մեծ աղմուկ է առաջացրել:
