Կանադայի Բրիտանական Կոլումբիա նահանգի Գերագույն դատարանը էվթանազիայի արգելքը հակասահմանադրական է ճանաչել:
Դատարանը վճռել է, որ անբուժելի հիվանդ Գլորիա Թեյլորը կարող է ինքնակամ հեռանալ կյանքից` դիմելով բժիշկների օգնությանը:
Միաժամանակ պարտադիր պետք է պահպանվեն մի քանի պայմաններ: Մասնավորապես, բժիշկները հիվանդին պետք է ցույց տան հիվանդության ախտորոշումը, դրա ընթացքը, իրազեկեն բուժման առկա միջոցների եւ դրանց ընդունման հեռանկարների մասին, գրում է gazeta.ru-ն:
Դատավորը վերոնշյալ որոշման ուժի մեջ մտնելը որոշել է հետաձգել մեկ տարով, որպեսզի Կանադայի խորհրդարանը կարողանա օրենսդրությունում նման փոփոխոթյուն կատարել:
Դաշնային իշխանությունների ներկայացուցիչն ասել է, որ կհասնի դատարանի որոշման վերանայմանը:
